Mae Cig Eidion Celtic Pride wedi cael statws Dynodiad Daearyddol Gwarchodedig (PGI). Mae’r label PGI yn dilysu’r brand ac yn pwysleisio cywirdeb yr arferion ffermio, bod modd olrhain y cig yn llwyr a’r rheolaeth sicrwydd ansawdd.

Mae PGI yn sicrhau bod gwartheg Celtic Pride yn cael eu geni a’u magu yng Nghymru a bod yr holl brosesau ychwanegol yn cael eu cynnal mewn mannau y gellir eu marchnata dan y pennawd ‘Cymreig’. Mae’n rhaid bod modd olrhain y cig yn llwyr o’r fferm i’r plât.

Cyflawnwyd y nod rhagoriaeth mewn cynhyrchu cig eidion trwy gydweithio â chynlluniau Gwarant Fferm, arbenigedd rheoli glaswelltir Sefydliad y Gwyddorau Biolegol ac Amgylcheddol (IBERS, yr hen IGER) ym mhrifysgol Aberystwyth a phrofiad y gwneuthurwyr porthiant Wynnstay. Rheolir yr elfennau hyn gan dîm Celtic Pride sydd ar gael i ymweld â ffermydd, cynnal archwiliadau a dod i gyswllt ar draws y gadwyn gyflenwi.

Elfen allweddol o lwyddiant y cynllun yw’r bartneriaeth a ddatblygwyd gyda’r ffermydd sy’n cynhyrchu. Mae ffermwyr yn aelodau o Gwmni Cig Cymru ac yn cadw at brotocol ymarferol, gydag aelodau’n cael eu harchwilio’n flynyddol i gwrdd â safonau gwarant ffermydd hwsmonaeth a lles. Fel gwobr am eu sgiliau stocmon, mae cynhyrchwyr yn cael marchnad warantedig, cig eidion cydnabyddedig wedi’i frandio a phris premiwm am eu da byw.

==rightcolumn==

Ansawdd